الطب الشرعى

الله شاهد على ما اقول انا من اسبوع لا انام واخذت اكثر من 30 حبة منومة و20 قرص مسكن  كل ما ارداته ان انام وانسى ما حدث فى البداية اود ان اقول ان عمرى بحياتى ما انكشفت على رجل من محارمى الا طبعا والله اعلم وانا متخدرة فى عملية الزائدة ما حدث لى  لكن اود ان اقول انى فعلا حتى اذا قبلت الكشف فى الطب الشرعى مازال غير مقبول ان يتم  تلبيسى وتغسيلى فى رجل فى العملية وثم انتهاكى من الخلف من فتحة الشرج

انا من 6 شهور ابحث عن الحقيقة ابحث عن لماذا عملية زائدة بسيطة انا اتألم منها كل هذا ومن فتحة الشرج مكان لا علاقة له   بالزائدة وبعد العملية مباشرة انا خرجت يوم الثلاثاء 4 ديسمير جائنى هذا الشئ الغير مفهوم  فى الشرج يوم الخميس 6 ديسمبر 2012

هل كان مدبر لى ان اذهب الى الطب الشرعى وانكشف على رجل حتى لا يكون لى حجة من شكوتى من تلبسى وتغسيلى على يد رجال فى مستشفى كليوباترا

انا لا ابحث عن نظرية المؤامرة ولكن انا اتحمل اشياء فوق طاقتى واتمنى لو اننى رفضت الكشف ولكن هذا ما حدث والندم لا يفيد

ما حدث كالاتى ولا احد يسألنى اين كان عقلك او يقول مش عندك عقل انا شخص منهك ولا احد يصدق قصتى بل على العكس الجميع بما فيهم اسرتى ضدى ووالدى واالدتى متوفين ولا اجد اى دعم الا القليل من المتعاطفين الذين لا يستطيعون تقديم الا الدعاء وطبعا ونعمة بالله ربنا اكبر من الكل

دخلت الطب الشرعى لدكتور بامانة ربنا محترم سالته حضرتك اللى حتكشف قال ايوه قلت له ممكن اذا تكرمت اطلب دكتورة فورا قال طبعا حقك وحمدت الله انى تجاوزت مرحلة ان رجل يكشف على فى هذه المنطقة وبعد حوالى عشرين دقيقة نادوا عليا وقالوا انزلى تحت الدكتورة ايه مستياكى ودخلت غرفة فيها مكتبين هى قاعدة على واحد وواحد قاعد على المكتب التانى عمال يكتب وبدأت اروى لها قصتى وفى بداية الكلام قالت لى عايزة رايى الشخصى انسى القصة ديه انتى مش حتعرفى تعملى حاجة قلت لها خلاص يعنى امشى قالت لا لما اكشف الاول واحدد قلت لها ماشى

قالت اقلعى قلت لها والاستاذ اللى قاعد قالت سعتك دا دكتور وحيكشف معايا قلت لها بس انا طلبت دكتورة لانى مش بقدر اكشف مع رجل قالت والله دا نظامنا انا هنا عشان اطمئنك بس احنا ممكن ننادى واحد تالت كمان معانا

قلت لها بالحرف انا بترجاكى تطلعيه انا بنت قالت وانا انسة زيك يلا اخلصى وبعدين هو راح قال يلا ورانا شغل كتير وناس مستنية بره مش عايزة تكشفى حنقول رفضتى وانا مش عارفة افكر وقلت له من فضلك لا تنظر وظل جالس على المكتب وانا اتوسل لها ممكن اجلس الوضعية اللى على الجنب مش الوضعية السجود المهينة واصر ت وقالت دا شغلنا مش عايزة تعرفى الحقيقة وانا لانى طرقت كل الابواب ولم اجد سبيل عقلى وقف ووافقت وبقيت ادارى محارمى باصابعى وهى فجأة قالت ايه الابيض دا تعالى بص اتعالى بص وانا اتوهمت انى فى شئ وصمت وجاء عن قرب لينظر وانا باصابعى مازتلت احاول ان اغطى ما يمكن تغطيته

وهى بلا احساس ولا دم ولا كأنى بنت مثلها وانها ممكن تكون بموقفى وفى الاخر قالوا البسى قلت لهم ماذا رايتم قالوا شرخ وقلت يعنى حتكتبوا ايه راح مزعق فيا الدكتور وقال كنتى فين من 6 شهور قلت له وانت كشفت ليه لو عارف ان ست شهور مدة طويلة

وبمنتهى الاسى قلت لهم انا ارتضيت بالمذلة والمهانة لاثبات حقى انى انتهكت وبعدين تقولى لى ست شهور طب كشفتوا ليه تقول لى واحنا اش عارفنا ان الشرخ دا مش من قبل لعملية امال انا جاية ليه الطب الشرعى

امال هو طب شرعى ليه ؟ امال لما بيطلعوا جثث عظم و تراب لكشف كيف تم قتل هذه الجثة بيتم ازاى ؟

للدرجة ديه انا عرض رخيص لدكتور رخيص لا دين ولا اخلاق واستغلال حالتى وموقفى وكونى وحيدة ؟

للدرجة ديه انحطاط الاخلاق فى مصر انا اعانى من ست شهور ان رجال فقط كانوا معى بغرفة العمليات والان زاد العناء قفوق العناء وانام بمنومات لماذا هل هذه منظومة فساد

انا المجنى عليه وانا اللى بتعرض لجميع الضغوط النفسية والاستباحة

انا قلت لوكيل النيابة بالامس على فكرة انا بنت ناس كون ان اهلى ميتين هذا لا يجعل منى مادة للاستغلال

لا احد يلقى اللوم على انا اعانى والله وحده يعلم ما انا فيه انا اتلهث على اثبات حقى ولهذا كنت عرضة للوقوع بالخطاء والله لومت نفسى مرار وتكرار على قبولى الكشف فى الطب الشرعى ما نابنى الا استباحة عرضى والالم النفسية التى لا يتحملها انسان

انا وددت ان اثبت حالة فى  حالة ان  تم تصويرى او انتهاكى باى شكل وانا لم الالحظ

وادعوا الله ان فى مصر يخرج منها رجل واحد ينصفنى انا ربنا يشهد كل كلمة بقولها صدق

انا لا اسعى لا لتعويض مادى ولا لشهرة لانها شهرة ملوثة السمعة ومؤلمة

اتمنى ان يقف كل من يقرأ ما اكتب مع نفسه انا كنت انسان سعيد قبل هذه العملية والدتى توفت 2003 وابى جائته جلطة بالمخ بعدها 3 شهور وقاعدت فى بيتى مع ابى ما يقرب من السبع سنوات بعيدة عن الناس واحاول تجنب اى وقوع فى اى خطأ

وعندما مرضت وذهبت انا واخواتى الى المستشفى تم انتهاكى باشبع الصور

واناشد اى جهة اذا فى اى ضمير فى البلد ديه يتم التحقيق مع الجناه وليس معى

انا لست الجانى لم اذنب كل ما فعلته انى ذهبت مثل كل الناس لاجراء عملية

One comment on “الطب الشرعى

  1. engnaby says:

    صعب اى كلام يتقال للاسف وقعت فريسه لحفنه من الكلاب

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s